कतारले प्रिन्ट गरिएको हय्या कार्ड वितरण गर्न दुई केन्द्रहरू चाँडैनै सञ्चालन गर्ने भएको छ।
सुप्रीम कमिटी फर डिलिवरी एण्ड लिगेसीमा हय्या प्लेटफर्मका कार्यकारी निर्देशक सईद अली अल कुवारीले अलकास टिभीसँग कुरा गर्दै हय्या कार्ड केन्द्रहरू अली बिन हमाद अल अतियाह अरिना र दोहा प्रदर्शनी तथा सम्मेलन केन्द्र (डिइसीसी) मा अवस्थित हुने बताएका छन् । उनले फ्यानहरूले प्रिन्ट गरिएको हय्या कार्ड यी दुई केन्द्रहरू मध्ये कुनै पनि केन्द्रमा गएर लिन सक्ने बताएका छन् । यदि कसैले आफ्नो हय्या कार्ड हराएमा, उसले पनि यी केन्द्रमा गएर कुनै पनि अतिरिक्त शुल्क नतिरेर वैकल्पिक कार्ड प्राप्त गर्न सक्ने पनि बताएका छन् ।
हय्या कार्ड प्रिन्ट गरेर वा डिजिटल रुपमा लिन सकिन्छ । हय्या कार्ड प्राप्त गर्न फिफा विश्वकपको टिकट अनिवार्य आवश्यक पर्दछ । फिफा विश्वकपको टिकट हुनेले www.qatar2022.qa मा गएर हय्या कार्ड अप्लाई गर्न सक्नेछन् ।
