ट्राफिक महानिर्देशनालयले Metrash2 एप मार्फत विश्वकपको लोगोसहितको विशेष नम्बर प्लेटका लागि इलेक्ट्रोनिक लिलामी आयोजना गर्ने भएको छ।
विशेष नम्बरहरूको लागि १२ औं इलेक्ट्रोनिक लिलामी भोलि सेप्टेम्बर १५ बिहान ८ बजेबाट सुरु भई आइतबार सेप्टेम्बर १८ बेलुका १० बजे सम्म जारी रहने ट्राफिक महानिर्देशनालयले बताएको छ।
यी विशेष नम्बर प्लेटमा विश्वकपको लोगो रहनेछ । ट्राफिक महानिर्देशनालयले मे २०२२ मा मेट्रास २ एप मार्फत विश्वकपको लोगोसहितको विशेष नम्बर प्लेटका लागि ११ औं इलेक्ट्रोनिक लिलामी सम्पन्न गरेको थियो। विश्व कपको आधिकारिक लोगो बोकेका कुल ५० विशेष नम्बर प्लेटहरू लिलामीमा परेका थिए ।
