फिफा विश्वकप २०२२ को अवधिमा कतार स्थित नेपाली राजदूतावास खुल्ने समय परिवर्तन हुने भएको छ ।
फिफा विश्वकप २०२२ को तयारीका लागि सरकारी कार्यालयहरु खुल्ने समयमा परिवर्तन गर्ने बारे कतारको मन्त्रीपरिषद्ले गरेको निर्णयलाई ध्यानमा राख्दै नोभेम्बर १३ देखि डिसेम्बर १९ सम्म राजदूतावास विहान ७ बजेदेखि विहान ११ बजे सम्म खुल्ला रहने जानकारी दूतावासले एक विज्ञप्तीमार्फत जनाएको छ ।
विज्ञप्तीमा अत्यावश्यक तथा जरुरी जानकारी तथा कन्सुलर सेवाको लागि दूतावासको फोन नम्बर ४४६७५६८१ तथा ४४६७५६८३ मा अपरान्ह २ बजेसम्म सम्पर्क गर्न सकिने उल्लेख गरेको छ ।
डिसेम्बर २०, २०२२ देखि राजदूतावास हालकै समयअनुसार खुला रहनेछ ।
