नोभेम्बर २० देखि डिसेम्बर १८ सम्म हुने फिफा विश्वकपका समयमा नोभेम्बर १९ देखि खुला हुने फिफा फेस्टिभल कार्यक्रमको अन्तिम रिहर्सलको लागि आज बुधबार १६ नोभेम्बरमा अल बिदा पार्कमा विशेष परीक्षण कार्यक्रम हुन गईरहेको छ।
परीक्षण कार्यक्रममा उपस्थित व्यक्तिहरूलाई डीजे र विशेष माइकल ज्याक्सन शो द्वारा मनोरञ्जन गरिनेछ। उक्त कार्यक्रमका लागि गेट साँझ ५ बजे खुल्नेछ भने शो राति १० बजेसम्म चल्नेछ। दर्शकहरुले साझ ७ बजेदेखि राती १० बजेसम्म अन्तर्राष्ट्रिय पेय पदार्थहरूको मजा लिन सक्नेछन् । त्यस दिन दोहा मेट्रो ३ बजेसम्म सञ्चालन हुनेछ।
कार्यक्रममा प्रवेशका लागि हय्या कार्ड अनिवार्य गरेको छ ।
फिफा फ्यान फेस्टिभल फिफा विश्व कपको समयमा फिफा र आयोजक शहरहरूद्वारा आयोजित सार्वजनिक अवलोकन ठाउँ हो। त्यहाँ लाइभ म्याच स्क्रिनिङ, मनोरन्जन कार्यक्रमहरू, संगीत कन्सर्ट र फुटबल महोत्सव हुनेछ। फ्यानले विश्वकपका सबै ६४ खेल हेर्न सक्छन्।
