कतार भिसा केन्द्रले चाँडै पारिवारिक भिसा सेवाहरू उपलब्ध गराउने भएको छ ।
विभिन्न देशमा रहेका कतार भिसा सेन्टर (क्यूभिसी)ले विभिन्न देशबाट कामदार भर्ना गर्ने प्रक्रियालाई सहज बनाएको छ ।
हाल क्यूभिसीले वर्क भिसाका लागि मात्र सेवा प्रदान गरिरहेको छ । चाँडै नै धेरै देशहरूमा सञ्चालित यी केन्द्रहरू मार्फत परिवार भ्रमण भिसा, बहुप्रवेश भिसा र पारिवारिक निवास भिसाको प्रक्रिया पनि उपलब्ध गराइने राहदानी महानिर्देशनालयको भिसा सपोर्ट सर्भिस विभागका प्राविधिक अध्ययन शाखाका प्रमुख क्याप्टेन खालिद सलिम अल नुमानीले बताएका छन् ।
प्रमुख क्याप्टेन खालिद सलिम अल नुमानीले हालसम्म भारत, पाकिस्तान, श्रीलंका, नेपाल, बंगलादेश र फिलिपिन्समा क्यूभिसी सञ्चालन आएको बताएका छन् ।
भारतमा सातवटा, पाकिस्तानमा दुई र श्रीलंका, बंगलादेश, नेपाल र फिलिपिन्समा एक–एक भिसा केन्द्र रहेका छन् ।
