सन् २०२३ को एएफसी एसियन कप जनवरी १२ देखि फेब्रुअरी १०, २०२४ सम्म हुने तय भएको कतार फुटबल संघ (क्यूएफए) ले जनाएको छ । मंगलबार एक विज्ञप्तिमा क्यूएफएले यस संघका अध्यक्ष शेख हमाद बिन खलिफा बिन अहमद अल थानीलाई एएफसी एसियन कपको स्थानीय आयोजक समितिको अध्यक्षको रूपमा घोषणा गरेको छ।
एसिया कप हरेक चार वर्षमा आयोजना हुने गर्छ । सन् २०१९ मा संयुक्त अरब इमिरेट्सले आयोजना गरेको प्रतियोगिताको संस्करण कतारले जितेको थियो।
कतारले एसिया कप तेस्रो पटक आयोजना गर्न लागेको हो । यसअघि कतारले सन् १९८८ र २०११ को संस्करण आयोजना गरेको थियो।
एसियाली फुटबल महासंघ (एएफसी) ले ‘शून्य कोभिड’ नीतिका कारण चीनले फिर्ता लिएपछि गत अक्टोबरमा कतारलाई आयोजक राष्ट्र घोषणा गरेको हो ।
