कतारका नागरिक र बासिन्दाहरूले फिफा विश्वकप कतार २०२२ को बेला हय्या कार्ड भएका आफ्ना देशका साथीभाइ र परिवारका सदस्यहरूलाई होस्ट गर्न सक्नेछन् ।
“हय्या प्लेटफर्म (hayya.qatar2022.qa) मार्फत उपलब्ध सेवा ‘रजिस्टर टु होस्ट योर फेमली एण्ड फ्रेन्डस्’ अप्सनमा गएर त्यहाँ माग गरिएका अधारभूत जानकारी उपलब्ध गराएर होस्ट गर्न सकिने छ,” हय्या प्लेटफर्मका कार्यकारी निर्देशक साईद अल कुवेरीले भने ।
परिवारका सदस्य वा साथीलाई होस्ट गर्न चाहने कतारका बासिन्दाले एप वा वेबसाइट मार्फत हय्या प्लेटफर्ममा दर्ता गर्न सक्नेछन् । उनीहरूले आफ्नो QID नम्बर, QID को अवधि, जन्म मिति र घरको ठेगाना प्रदान गर्नुपर्नेछ।
साथै गेष्टको नाम, पासपोर्ट नम्बर र राष्ट्रियताको जानकारी पनि उपलब्ध गराउनुपर्ने साईद अल कुवेरीले बताए ।
